De Ámbar a Zoe, O que fan as nenas é insospechable, misterioso e raro, un xogo coa realidade da fantasía.

Aprendín de Sendak, Ungerer e Gorey que na literatura infantil non hai ningunha limitación. A indecencia, a insolencia, e a brutalidade son aspectos inevitables... . Leste foi o lema que caracterizou o álbum de Heidelbach. As súas nenas teñen ideas orixinais e enxeñosas: unha aspira a converterse en raíña; outra afronta probas arriscadas; unha terceira, máis precavida, ármase con fondas, coitelos e machadas para ver a televisión. Todas elas exploran en profundidade o seu pequeno fogar e saben sacar proveito do mobiliario, dos obxectos máis comúns e de moitos, moitos animais, reais ou imaxinarios. Cada imaxe conta unha historia que revela o carácter, as aspiracións e, nalgúns casos, ese chisco de malicia que non falta en certas nenas.

4º-5º-6º Educación Infantil